21.10.13

قصيدة "مشاق" للشاعر اللبناني طلال حيدر

طلال حيدر هو شاعر لبناني مولود في العام 1937 في مدينة بعلبك في البقاع اللبناني.
عشق الطبيعة فرسمها في شعره ابياتا من كلمات تحمل روحها الى قلب القارئ وخياله.
كتب الأرض والوطن والانسان بابداع طبع باسم طلال حيدر، فانتشرت قصائده من لبنان الى العالم على الورق، وعبر اصوات كبيرة غنت له بينها السيدة فيروز والدكتور وديع الصافي ومارسيل خليفة وأميمة خليل ونجوى كرم وغيرهم.



مشتاق
إيديّي غمر مفتوح متل النون
معجّل
متل جملة ما فيها سكون
ولا بنهدى
والوقت ما عنده وقت ينطر حدا
يمكن أنا مجنون
هيّ
متل شي خط بريشة قصب
وهوّ
متل حرف العرب
مرفوع بالضمة
منصوب بالفتحة
وبالفتحة هرب
بس يكتروا ببالُه
بيصير واو ونون
وبس يسكن بحاله
بيصير همزه
أو بيصير سكون
قرآن مفتوح بهدا
متل المصلاّية
نقّوا شي سوه هينه
تنبلش قرايه
وعبله على ضهر الفرس
حلوه متل آيه
كل الحروف منكسّه
إلا الألف رايِه
ألله شو حلوه الألف
بس تنحكى حكايه
سبعه لغات العرب
عندي مخباية
ع كتر ما القوس انحنى
صار السهم غايه
هـ الأرض
اسوارة دهب
زينه مضوايه
جبلي بطريقك حلق
إدني.. معرّايه
وصيت صايغ حلب
قللي الحلق جايي
وضاعت
يا مين يلاقيا
وياخد هـ المرايه

0 التعليقات:

إرسال تعليق