5.11.13

قصيدة "راجع" للتعبير عن الشوق للعودة الى الوطن من الغربة - كتابة غسّان محمّد جمّول

راجع من بعد غياب بأعز حبابي اتلاقى
و داوي قلبي اللي داب
بهالغربة الحراقة

لقيت البيت اللي كان
بفي حجارو نتلاقى
الورد اللي حدو بلا الوان
و العتبة لدعسة مشتاقة

تاري راحوا الاحباب
وبغربة بعيدة صاروا
يا دمعة دقي عالباب
بلكي بيردوا حجارو

يقولولي وينو اللي كان
يقللي روحي و بس ارجع
رح ننسى كل الاحزان
و الطرحة عن وجي بيرفع

شو قاسي البعد يا بيت
راح و اخد احبابي
يرجع ليي يا ريت
يدق علي بابي

يراضي عيني الل عم تدمع
ولقلبي البسمة ترجع
ويعودو اغلى احبابي

راجع من بعد غياب
بأعز حبابي اتلاقى ..


0 التعليقات:

إرسال تعليق