14.11.13

كوني معي - قصيدة ل غسان محمد جمول

انتِ اللي العشق
من عيونك كان ميلادو
خدودك ورد
وشفافك للعسل سكرو زادو
صوتك غنا
وشعرك خصل حرير ع كتفك بيتهادو

قلبي اللي كان متل عصفور يتنقل
و يتغنى بامجادو
عيونك قفص فيها انحبس
و قلبك طلع صيادو
ان بقيتي حدو بيعمل عرس
وان بعدتي بيعلن حدادو

بعهد الله لا تغيبي
وتخلي هالعاشق يسأل عن فؤادو
ويصفي متل مسافر
غريب مغرب عن بلادو
عيونو تزاعل النوم
ويسهرو لعيونك ينادو

هالعمر لمحة نظر
ولا مرة ايامو نعادو
كوني معي وقلبي الك
متل خاتم باصبع اسيادو
تحبك كل العمر ما بيكفي
الا اذا عالعمر عمرين زادو

0 التعليقات:

إرسال تعليق